FFORDD Y CAPEL, EFAIL ISAF, PONTYPRIDD
CF38 1AP
OEDFAON
Cynhelir dau wasanaeth bob bore Sul:
09.30 Oedfa Saesneg
10.45 Oedfa deulu Gymraeg gydag Ysgol Sul i’r plant
Dyma’r ‘CYHOEDDIADAU‘ DIWEDDARAF
GWEINIDOG ANRHYDEDDUS
Y Parchg. Eirian Rees
CYSYLLTU:
Gwilym Huws
Ysgrifennydd Bwrdd
y Cyfarwyddwyr
capelytabernacl@gmail.com
Golygydd y Wefan:
Emlyn Davies
emlyn.pentyrch@btinternet.com
I weld rhestr o aelodau
Bwrdd y Cyfarwyddwyr (Ymddiriedolwyr)
cliciwch YMA
Gair o Groeso
Mae Capel y Tabernacl, Efail Isaf, yn gwmni elusennol cofrestredig gyda chynulleidfa o dros 200 o oedolion a thua 100 o blant a phobl ifanc. Caiff y capel ei redeg o ddydd i ddydd gan griw mawr o wirfoddolwyr, a’r gwaith trefnu’n cael ei gydlynu gan 14 o gyfarwyddwyr.
Saif pentref Efail Isaf yng nghysgod mynydd y Garth, ym mharthau isaf cymoedd Rhondda a Taf, tua 9 milltir o ganol Caerdydd. Pentref noswyl ar gyfer y brifddinas yw yn bennaf erbyn hyn, gyda thua 2,000 o drigolion, a’r Tabernacl yw’r unig gapel. Rydym yn denu cynulleidfa o ardal eang o gwmpas, gan gynnwys Pentyrch, Creigiau, Y Groesfaen, Llantrisant, Pentre’r Eglwys, Llanilltud Faerdref, Tonteg a Meisgyn.
Mae’n braf medru adrodd bod y capel yn gryfach heddiw nag erioed o’r blaen ac mae’r aelodau’n drawstoriad da o ran oed a chefndir crefyddol, er mai perthyn i Undeb yr Annibynwyr y mae’r achos.
Rydym yn barod iawn i groesawu ymwelwyr ac aelodau newydd, ac mae gennym ddarpariaeth arbennig ar gyfer plant a phobl ifanc.
Sut Eglwys yw hon?
CYFAMOD EGLWYSIG
‘Rydym yn gymuned o bobl sydd wedi ymrwymo yn wirfoddol i geisio tyfu gyda’n gilydd mewn dealltwriaeth a gallu i ymarfer dysgeidiaeth ac ysbryd yr Iesu.’
Mae taflen yn disgrifio bywyd yr eglwys ar gael YMA
RYDYM AR FACEBOOK HEFYD
Newyddion
Meh 23 Emlyn ac Ann Davies
Meh 30 Allan James ac Ann Griffiths
gydag Elen Griffiths yn cyfeilio.
Gorff 7 Sul Pentref Pentyrch
Gorff 14 Sul y Cyfundeb
ym Mynydd Seion, Casnewydd
Gorff 21 Sul Teuluol:
Parchg. Eirian Rees, a bedyddiadau.
Mae’r cyhoeddiadau wythnosol ar gael YMA
DOD YN AELOD
Beth am ddod yn aelod yn y capel yn ystod 2019? Mae’n bosib fod nifer ohonoch yn dod yn gyson ond heb ymaelodi eto.
Cliciwch y ddolen hon am ragor o wybodaeth.
TAFOD Y TAB
Cofiwch am y rhifyn diweddaraf o Tafod y Tab – Pwyswch ar y linc isod:
Tafod y Tab Ionawr 2019
Rydym wrthi’n paratoi i ddathlu 150 mlwyddiant codi adeilad presennol y capel a godwyd yn 1869. Rhag bod unrhyw gamddealltwriaeth, dylid egluro mai yn 1841 y sefydlwyd yr achos am y tro cyntaf, ac efallai y byddai rhai ohonoch yn mwynhau darllen y gyfrol a gyhoeddwyd i ddathlu’r can mlwyddiant yn 1941. Mae ar gael yn ddigidol YMA.
Am y Newyddion diweddaraf, cliciwch YMA
Cewch fanylion llawn am bob un o’r elusennau sy’n cael cefnogaeth yr eglwys wrth glicio YMA
Adroddiad Blynyddol 2017
APÊL MADAGASCAR 2018/2019
Mae apêl Undeb yr Annibynwyr Cymraeg eleni’n anelu at godi £200,000 i helpu Madagascar, un o wledydd tlotaf y byd. Bydd yr arian yn cefnogi prosiectau i ddarparu lloches i ferched bregus, meddygfa a deintyddfa i bobl anghenus, cartref i blant amddifad, a chynllun i hyfforddi gweinidogion i ddysgu’r bobl sut i dyfu mwy o gnydau er mwyn lliniaru problemau diffyg maeth.
Daw’r apêl i ben ym mis Mehefin 2019, a’n gobaith ni fel capel yw casglu £30 gan bob aelod dros y flwyddyn. Erbyn diwedd mis Medi bydd amlenni pwrpasol ar gael i bob aelod gyfrannu yn ôl eu dymuniad, a chyflenwad i gyfeillion yn ein plith sy’n awyddus i gefnogi. Mae croeso mawr i unrhyw un drefnu achlysur fel bore coffi hefyd, i chwyddo’r coffrau.
Byddai’n braf anelu at godi dros £5,000 fel coron deilwng ar ymdrechion gloyw Merched y Tab i groesawu’r bobl o Fadagascar fu yma yn ystod dathliadau’r daucanmlwyddiant ym mis Mehefin.